- Æфсадмæ цæуæг лæппуйы куывд
-
– Хуыцау, табу Дæуæн, Хуыцау!– Оммен, Хуыцау!– Де сконд адæм стæм, æмæ нын Дæ хорзæх, Дæ арфæйæ бахай кæн.– Оммен, Хуыцау!– Хуыцау, зæххыл адæмы номыл хорздзинадæй цы ис, уымæй нын хай бакæн!– Оммен, Хуыцау!– Хуыцау, мæгуыр, æгадæй нæ бахъахъхъæн!– Оммен, Хуыцау!– Уастырджи, дæуæн æхцон фæуæд!– Оммен, Хуыцау!– Уастырджи, бæлццон лæджы фарс дæ, фыдбылызæй сæ хизыс,Æмæ ацы лæппутæ – де уазæг!– Оммен, Хуыцау!– Сæ кар, сæ тыхы бацыдысты,Сæ хæс фидыны фæндагыл æрлæууыдыстыТых кæнынмæ нæ цæуынц,Æмæ сæ дæ рахиз базыры бын бакæн,Фыдызнаджы фыдæхæй сæ бахиз!– Оммен, Хуыцау!– Тбау Уацилла, табу дæхицæн!Тбау Уацилла, бæрзондыл бадыс,Ныллæгмæ нын хæрзтæ ракæн!– Оммен, Хуыцау!– Хетæджы Тæтæртупп! Ацы хæдзарæй, ацы адæмæй быдырмæ чи æфта,Æгас хæдзар ын-иу ссарын кæн!– Оммен, Хуыцау!– Уæ Фæлвæра! Фосы фарн дæумæ ис, æмæ нын фарны фос ратт,Hæ фосы сæрæй дын нывæндтæ куыд кæнæм!– Оммен, Хуыцау!– Фæззæджы дзуæрттæ, нæ Фæззæджы фæллойы-иу бæркад уæд!– Оммен, Хуыцау!– Йа Рыныбардуаг, дæ чъылдыммæ дын кувдзыстæм,Де ‘ргом нæм ма раздах!– Оммен, Хуыцау!– Реком, Мыкалгабыртæ, бæркад æмæ ныл амæндтæ бафтаут!– Оммен, Хуыцау!– Йа Реком, нæ хуыздæрты нын бахъахъхъæн!– Оммен, Хуыцау!– Хуыцау, Де сконд зæдтæй афтæ чи зæгъæ«Æз хуыздæр ахъаз бакодтаин, мæ ном куы ссардтаиккой, уæд», –Тынгдæр æхцон уымæн фæуæд!– Оммен, Хуыцау!– Хуыцау, æз кувын нæ зонын, курын зонын,Кæй курæм, уый нын ратт!– Оммен, Хуыцау!кæс ИРОН ÆГЪДÆУТТÆ
Словарь по этнографии и мифологии осетин. 2014.
